Dissabte pro embromat tamb aire e plojats pera tarde

Aué dissabte 20 de gèr, auram ues prumères ores damb alternancia de bromes e clari. A mesura qu'auance eth maitin s'incrementarà era nivolositat, pas s'escarte quauqua fèbla precipitacion. Era tarde serà fòrça embromada, tamb precipitacions contunhades, de caractèr moderat e puntuauments intenses. Còta de nhèu peth dessús des 2000 m. Acumulacions de 20 a 25 cm en còtes nautes e de mès de 30 litres per mètro quarrat en zònes baishes.
Pera tarde e net, vents de nòrd-oest fòrti, tamb bohades fòrça fòrtes, sustot en zònes nautes e exposades.
Temperatures minimes heiredes, diürnes doces (0°/11° en hons de Val; -5°/2° en còta 2.000).

Eth dimenge 21, serà ua jornada embromada tamb precipitacions moderades e persistentes pendent eth maitin, en tot afeblir-se e en tot hèr-se intermitentes pendent era tarde. Acumulacions de 10 a 15 cm en còtes nautes. Pera net se dauriràn clari. Aire fòrt deth nòrd-oest.
Ascens dera temperatura diürna (6°/12° en hons de Val; 1°/2° en còta 2.000).

Eth deluns serà assolelhat damb quauqua bruma isolada. Vents moderadi de nòrd tamb quauqua bohada fòrta en zònes nautes.
Temperatures similares ara jornada anteriora (4°/13° en hons de Val; 0°/3° en còta 2.000).