21/1/18

Dimenge embromat e tamb plojats en Aran.

Eth dimenge 21 de gèr, serà ua jornada caperada tamb precipitacions moderades e contunhes; còta de nhèu peth dessús des 2300 m. Acumulacions de 15 a 20 cm en còtes nautes e uns 25 l/m2 en zònes baishes.
Vents de nòrd-oest moderadi, tamb quauques bohades fòrtes en zònes nautes.
Temperatures doces entara epòca (7°|13° en hons de Val; 0°|3° en còta 2.000).

Eth deluns serà un dia pro assolelhat, encara que tamb quauques bromes escampilhades a prumères ores. Pera net aumentarà era nivolositat e se poderie produsir quauqua fòrça fèbla precipitacion. Vents fèbles deth nòrd.
Temperatures similares ara jornada anteriora (4°|14° en hons de Val; 1°|3° en còta 2.000).

Eth dimars, pendent era maitiada e eth maitin, serà pro caperat tamb possibilitat de bères fèbles precipitacions. A compdar de meddia se dauriràn clari. Vents loishi deth nòrd.
Temperatures sense cambis (3°|13° en hons de Val; 2°|4° en còta 2.000).