Ascens de temperatures.

Aué deluns 22 de gèr, auram un dia damb cèus majoritàriaments sereni e tamb quauques bromes intercalades. Pera tarde e net es bromes seràn un shinhau mès compactes e se poderie produsir quauqua fòrça fèbla precipitacion.
Vents fèbles de nòrd damb bèra bohada moderada en zònes nautes e exposades, sustot pera tarde.
Temperatures doces entara epòca (3°/13° en hons de Val; 0°/4° en còta 2.000).

Eth dimars seguiram damb predominancia de solei, encara que tamb quauqui intervaus de bromes escampilhades. Vents moderadi de nòrd damb quauqua bohada fòrta, principauments peth maitin.
Temperatura similara ara jornada anteriora (1°/14° en hons de Val; 0°/4° en còta 2.000).

Eth dimèrcles serà assolelhat damb quauques bromes nautes e primes. Vents loishi de compausant sud-oest.
Temperatures diürnes nautes entara epòca der an (1°/18° en hons de Val; 2°/6° en còta 2.000).

Semble que a compdar deth dijaus pera tarde e sustot eth diuendres auríem quauqui cambis; vos ac sajaram de verificar en pròplèus bulletins.