Dus dies lèu de primauera; cambis a compdar dera tarde deth dijaus.

Aué dimars 23 de gèr, serà ua jornada assolelhada damb quauqua broma nauta e prima. Vents loishi deth nòrd.
Temperatures doces entara epòca der an (1°/14° en hons de Val; -3°/3° en còta 2.000).

Eth dimèrcles 24, pendent eth maitin s'alternaràn clari tamb quauqui intervaus de bromes. Pera tarde aumentarà era nivolositat. Vents fèbles deth sud-est.
Temperatures maximales quasi de primauera (1°/18°; en hons de Val; -2°/5° en còta 2.000).

Eth dijaus 25 auram un maitin embromat tamb quauqui clari. Pera tarde aumentarà era nivolositat e se produsiràn precipitacions fèbles que pera net seràn moderades. Còta de nhèu sus es 1700 m pera tarde, en tot descéner as 800 m pera net. Acumulacions de 10 a 15 cm en còtes nautes.
Vents fèbles deth sud-oest pendent eth dia en tot virar a nòrd-oest pera net.
Temperatures en descenuda (1°/9° en hons de Val; -1°/2° en còta 2.000.