Dijaus embromat e damb quauques nheuades en Aran

Aué dijaus 1 de hereuèr, serà ua jornada pro embromada, damb quauqui clari pendent era net. Precipitacions que començaràn a prumères ores deth maitin e que seràn moderades pendent eth maitin e fèbles e intermitentes pera tarde. Còta de nhèu enes 1200 m ena aubada en tot descéner a totes es còtes passat eth meddia. Acumulacions de 20 a 25 cm en Baqueira 2500. Vents fèbles de nòrd.
Temperatures mès heiredes qu'en jornades anteriores e en descenuda a mesura qu'auance era jornada (0°/6° en Vielha; -6°/-5° en Beret).

Eth diuendres se alternaràn bromes damb quauqui intervaus enes que se deisharà entreveir eth solei, principlaments peth maitin. Precipitacions fèbles e intermitentes que seràn de nhèu en totes es còtes. Celhs De nhèu naua de 5 a 10 cm.
Aire de França moderat damb quauqua bohada fòrta en zònes nautes.
Temperatures en descenuda, sustot es nocturnes (-4°/4° en Vielha; -10°/-8° en Beret).

Eth dissabte auram nivolositat abondiua de tipe baish e miei alternada damb quauqui moments de solei.
Precipitacions fèbles e intermitentes que serien de nhèu en totes es còtes pendent eth maitin en tot pujar cap as 800 m pera tarde. Acumulacions de 10 a 15 cm.
Vents de nòrd-oest damb quauques bohades moderades en zònes elevades.
Temperatures en leugèr ascens respecte ath diuendres (-2°/5° en còta 1.000; -9°/-5° en còta 2.000).