2/2/18

Dimenjada variabla en Aran

Aué diuendres 2 de hereuèr, serà ua jornada damb bromes alternades damb quauqui moments de solei. Se pòden produsir bères precipitacions fèbles e intermitentes que serien en forma de nhèu en totes es còtes. Pòca acumulacion de nhèu: de 5 a 10 cm en còtes nautes.
Vents deth nòrd damb quauqua bohada moderada en zònes nautes.
Temperatures heiredes, mès normaus entara epòca (-1°/5° en hons de Val, -10°/-9° en còta 2.000).

Eth dissabte 3 de hereuèr, seguiram damb bromes e quauqui intervaus assolelhadi. Increment dera nivolositat a darrères ores. Precipitacions discontinues fòrça fèbles pendent era jornada e en forma de nhèu en totes es còtes; pera tarde-net se poderie intensificar leugèraments, en tot pujara era còta cap as 700 m. Acumulacions de 10 a 15 cm en Baqueira 2500. Vents fèbles de direccion nòrd-oest.
Temperatures en descenuda (-3°/6° en hons de Val; -10°/-4° en còta 2.000).

Eth dimenge 4 de hereuèr, auram ua maitiada pro embromada damb quauques nheuades fòrça fèbles. Pendent eth maitin auram alternança de clari damb quauques bromes, entara celebracion dera 39ª Marxa Beret. A darrères ores tornarà a incrementar-se era nivolositat e se tornaràn a produsir quauques precipitacions fèbles.
Temperatures similares ara jornada anteriora (-4°/6° en hons de Val; -8°/-4° en Beret).