Dissabte heired e damb quauques nheuades.

Eth dissabte 3 de hereuèr, serà ua jornada damb nivolositat de tipe baish e miei, encara que pendent eth maitin e prumères ores dera tarde poderíem  auer bèra uelhada de solei. Se produsiràn quauques precipitacions fòrça fèbles e intermitentes pendent era jornada, que pendent era tarde-net poderien èster un shinhau moderades. Es precipitacions seràn en forma de nhèu en totes es còtes pendent eth dia en tot pujar pera net cap as 800 m. Pòca acumulacion de nhèu: ath torn de 10 cm en Vaquèira 2500.
Vents fèbles de compausant nòrd-oest damb quauqua bohada moderada.
Temperatures heiredes (-2°/6° en hons de Val; -11°/-5° en còta 2.000).

Eth dimenge 4, serà embromat encara qu'a prumères ores e pendent era Marxa Beret, era nivolositat serà un shinhau mens compacta e poderie deishar veir bèra uelhada de solei. Nheuades en totes es còtes, fèbles e intermitentes pendent eth maitin e moderades e mès contínues pera tarde. Acumulacions de 10 a 15 cm en còtes nautes. Vents fèbles de direccion nòrd-est.
Temperatures minimes mens heiredes qu'era jornada anteriora, sustot en zònes nautes (-2°/6° en hons de Val; -7°/-5° en Beret).

Eth deluns 5 auram d'èster atenti a coma evolucione era situacion, donques qu'eth nuclèu des baishes pressions serà fòrça apròp e pòt hèr cambiar eth pronostic.
En principi seguiram damb cèus embromadi e damb precipitacions moderades que puntuauments poderien èster intenses. Còta de nhèu enes 600 m en tot puujar ath meddia cap as 1000 m e en tot tornar a descéner pera tarde. Celhs de nhèu naua que poderien superar es 30 cm en còtes nautes. Vents fèbles der èst.
Es Temperatures contunharàn en tot èster heiredes (-3°/3° en hons de Val; -7°/-4° en còta 2.000).