4/2/18

Marxa Beret damb bromes e quauque clar.

Aué dimenge 4 de hereuèr, auram ua aubada e prumères ores deth maitin damb bromes alternades damb quauque clar entara celebracion dera Marxa Beret. A mesura qu'auance eth maitin aumentarà era nivolositat e pas s'escarte quauqua fèbla precipitacion damb còta de nhèu sus es 700 m. Pera tarde era nivolositat serà abondiua e se produsiràn nheuades fèbles e intermitentes, qu'a darrères ores poderien èster moderades e un shinhau mès contínues; còta sus es 600 m. 
Acumulacions de 10 a 15 cm en còtes nautes, ath torn de 5 cm en còta 1.000.
Temperatures heiredes encara que normaus entara epòca (-2°/6° en hons de Val; -8°/-4° en còta 2.000).

Eth deluns, eth maitin serà fòrça caperat damb precipitacions moderades e puntuauments intenses  e còta de nhèu sus es 700 m; pera tarde es nheuades seran un shinhau mès fèbles e era còta pujarà cap as 900 m. Era nheuada serà fòrçaimportanta eth vessant sud. Acumulacions de 25 a 30 cm en zònes nautes e d'uns 10 cm en Vielha. Vents fèbles deth Sud-est.
Temperatures diürnes en descenuda (-2°/3° en hons de Val; (-6°/-4° en còta 2.000).

Eth dimars pendent era maitiada e prumères ores deth maitin contunharàn es cèus corbidi damb quauques precipitacions fèbles que serien de nhèu en totes es còtes. Pera tarde se dauriràn clari. Acumulacions de 10 a 15 cm en còtes nautes. Vents fèbles deth Nòrd.
Temperatures en descenuda (-5°/2° en hons de Val; -12°/-8° en còta 2.000).