Situacion d'autan en Aran

Es nheuades que comencèren ager dimenge a meddia an deishat uns 20 cm en Vielha e celhs similars en còtes nautes, uns 25 cm en Bonaigua. 

Aué deluns 5 de hereuèr, seguiram afectadi per ua situacion d'autan, que deisharà precipitacions mès intenses en vessant sud des Pirenèus qu'ena Val d'Aran. Era jornada Serà fòrça caperada damb precipitacions intermitentes, moderades puntuauments intenses pendent eth maitin en tot amendrir d'intensitat pendent era tarde e net. Còta de nhèu enes 600 m, en tot pujar pendent es ores centraus dera jornada a 900 m e en tot tornar a descéner pera net. Acumulacions de 20 a 30 cm en còtes nautes e de 10 a 15 cmen còta 1000. Vents fèbles d'autan.
Temperatures heiredes (-1°/3° en hons de Val; -7°/-4° en còta 2.000).

Eth dimars 6 peth maitin e prumères ores dera tarde, serà pro embromat damb quauques precipitacions fèbles e intermitentes e que serien de nhèu en totes es còtes dera Val d'Aran. A darrères ores se dauriràn quauqui clari. Acumulacions de 5 a 15 cm en còtes nautes. Vents fèbles deth nòrd.
Temperatures minimes un shinhau mès heiredes qu'ena jornada anteriora (-4°/4° en hons de Val; -10°/-7° en còta 2.000).

Eth dimèrcles 7 poderie èster ua pro bona jornada de ski, damb cèus majoritàriaments sereni, alternats damb quauques brumes escampilhades.
Temperatures un shinhau mès baishes (-5°/3° en hons de Val; -11°/-7° en còta 2.000).