Tres jornades fòrça heiredes ena Val d'Aran.

Aué dimèrcles 7 de hereuèr, serà ua jornada damb solei e quauques bromes escampilheads trucades as vessants. Pas s'escarte quauque flòc de nhèu isolada. Vents loishi deth nòrd damb quauqua bohada moderada en zònes nautes.
Temperatures fòrça heiredes, qu'an provocat qu'aguesta sigue era net mès heireda de çò qu'amiam d'an (-8°/1° en hons de Val; -14°/-9° en còta 2.000).

Eth dijaus 8, pendent era maitiada e prumères ores deth maitin, auram bromes mès compactes, encara que alternades damb quauqui clari que, poderien deishar quauqua fèbla nheuada. Pera tarde es clari guanharàn terren e era net serà seren<. Vents fèbles de compausant nòrd-oest.
Temperatures encara mès heiredes (-8°/0° en hons de Val; -17°/-9°).

Eth diuendres 9, eth maitin serà assolelhat. A compdar de meddia aumentarà era nivolositat e se produsiràn quauques precipitacions entre fèbles e moderades que seràn de nhèu en totes es còtes. Acumulacions de 15 a 20 cm en còtes nautes.
Temperatures minimes en tot tocar hons, diürnes en ascens (-9°/4° en hons de Val; -18°/-4° en còta 2.000).