Heired e quauques nheuades fèbles en Aran

Aué dijaus 8 de hereuèr, serà ua jornada damb bromes alternades damb quauqui clari esporadics. Se pòden produsir quauques nheuades fèbles que poderien deishar uns 10 cm en Baqueira. Vents fèbles de nòrd-oest.
Temperatures heiredes, encara que mens de çò de demorat a causa der efècte dera nivolositat (-4°/0° en hons de Val; -14°/-9° en còta 2.000).

Eth diuendres 9 pendent era maitiada e prumères ores deth maitin auram cèus pro sereni; a compdar de meddia era nivolositat serà abondiua e a mieja tarde se produsiràn nheuades entre fèbles e moderades damb còta de nhèu iniciau enes 800 m, en tot descéner pera net a quinsevolh còta. Acumulacions de 15 a 25 cm en còtes nautes dera Val d'Aran. Pera tarde vents moderadi damb quauques bohades fòrtes deth nòrd-oest.
Temperatures minimes similares e leugèr ascens des maximales (-5°/5° en hons de Val; -15°/-3° en còta 2.000).

Eth dissabte seguiram damb nivolositat abondiua, encara que se poderien daurir quauqui clari, sustot pera tarde. Se produsiràn quauques nheuades fèbles que poderien deishar de 10 a 15 cm en còtes nautes.
Vents deth nòrd-oest damb quauques seguides fòrtes.
Temperatures sense massa cambis (-5°/3°en hons de Val; -14°/-10° en còta 2.000).