Dimenjada de Carnaval inestable

Eth diuendres 9 de hereuèr, auram ua maitiada e prumères ores deth maitin damb cèus sereni; a compdar de miei maitin aumentarà era nivolositat que se harà mès compacta passat eth meddia. A mieja tarde e pendent era net se produsiràn precipitacions fèbles que puntuauments seràn moderades, en tot començar damb còta de nhèu sus es 800 m e en tot descéner rapidaments a totes es còtes. Celhs de 15 a 20 cm en Baqueira 2.500.
Vents de nòrd damb quauqua bohada moderada pendent era tarde e net.
Temperatures iuernaus (-6°/4° en hons de Val; -12°/-4° en còta 2.000).

Eth dissabte 10 auram brumes abondiues, encara que poderie aparéisher quauque clar. Se pòden produsir bères nheuades fèbles que poderien deishar de 5 a 15 cm en còtes nautes.
Vents de nòrd-oest moderadi damb quauques bohades fòrtes en zònes nautes.
Temperatures similares ara jornada anteriora (-5°/4° en hons de Val; -12°/-9° en còta 2.000).

Eth dimenge 11 serà fòrça embromada damb precipitacions que començaràn de maitiada de forma fèbla e damb còta de nhèu enes 800 m. Pendent eth maitin se tornaràn moderades e puntuauments intenses e era còta pujarà rapidaments cap as 1.800 m, en tot mantier-se pendent eth dia en aguesta nautada. Pera net tornarà a descéner era còta cap as 800 m e es precipitacions s'afebliràn. Acumulacions de 15 a 25 cm en Còtes nautes. Vents moderadi deth nòrd-oest.
Es temperatures minimes contunharàn d'èster heiredes, mès es diürnes pujaràn bruscaments (-3°/8° en hons de Val; -10°/0° en còta 2.000).