Contunhe era variabilitat en Aran.

Dejà amiam ues jornades damb situacions dominades per advecccions deth sud e eth sud-oest, que provòquen ua nauta variabilitat e incertitud, en tot dificultar hèr pronostics precisi, tamben a cuert termini. Ath delà ad açò se li junhen dinamiques primaueraus damb fenomèns convectius. Semble que contunharam atau encara uns dies mès, donques vos demanam d'èster atent as actualizacions dera prevision e mos desencusam pera fauta de precision enes prediccions.

Aué deluns 5 de març, serà ua jornada embromada damb alternancia de quauqui clari e possibilitat de plojats de caractèr fèble e intermitent, encara que a compdar de meddia poderien èster puntuauments moderadi. Còta de nhèu en torn as 1300 m.
Temperatures doces (2°/11° en hons de Val; -6°/-1°en còta 2.000).

Eth dimars 6, seguiram damb nivolositat abondiua encara que pendent eth maitin se poderien daurir quauqui clari. Possibilitat de plojats intermitents sustot pera tarde. Còta de nhèu entre es 1200 e es 800 m.
Temperatures sense massa cambiaments (1°/11° en hons de Val; -6°/-2° en còta 2.000).

Eth dimèrcles 7, serà pro assolelhat damb quauqui intervaus de bromes, que pendent eth maitin poderien provocar quauqua fèbla precipitacion e que serie de nhèu en totes es còtes.
Temperatures en leugèra descenuda (0°/10° en hons de Val; -9°/-2° en còta 2.000).