Dimenge caperat tamb quaques clari en Aran.

Aué dimenge 4 de març, auram un maitin pro caperat, encara que se dauriràn quauqui clari esporadics e se produsiràn bères precipitacions fèbles e intermitentes, damb còta de nhèu sus es 1700 m. A compdar de meddia e pendent es prumères ores dera tarde aumentarà era nivolositat e se produsiràn quauqui plojats moderadi. A darrères ores se tornaràn daurir clari.
Vents fèbles damb quauqua bohada moderada deth sud pendent eth maitin en tot cambiar a nord-oest pera tarde.
Temperatures doces entara epòca sustot es minimes (7°/11° en hons de Val, -1°/0° en còta 2.000).

Eth deluns pendent era maitiada auram bastanti clari. Era jornada serà embromada encara qu'en torn a meddia se poderien daurir quauqui clari. Se produsiràn quauques precipitacions intermitentes e que puntuauments poderien èster moderades. Còta de nhèu en tot oscillar entre es 800 e es 1300 m.
Es temperatures contunharàn en tot èster doces encara que damb ua leugèra descenuda des minimes (2°/12° en hons de Val; -4°/-1° en còta 2.000).

Eth dimars pendent eth maitin auram bastantes clari; pera tarde aumentarà era nivolositat damb possibilitat de precipitacions que serien damb còta de nhèu entre es 800 e es 1200 m.
Temperatura sense massa cambis (2°/11° en hons de Val; -6°/-2° en còta 2.000).