12/3/18

Contunhe era variabilitat, encara que damb un shinhau mès de solei

Aué Deluns 12 de març, auram un maitin damb alternancia de clari e bromalhs, pas s'escarte quauque fèble plojat. Pera tarde aumentarà era nivolositat e se produsiràn bères precipitacions entre fèbles e moderades, damb còta de nhèu sus es 1.500 m, en tot descéner puntuauments as 1.100 m.
Vents doci damb quauques bohades moderades de compausanta oèst e nord-oest.
Temperatures en descenuda respecte a jornades anteriores (3°/11° en hons de Val; -4°/-1° en còta 2.000).

Eth dimars, peth maitin s'alternaràn bromes de tipe naut e miei damb clari. Pera tarde aumentarà leugèraments era nivolositat e pas s'escarte quauqua fòrça fèbla precipitacion.
Temperatures similares (3°/13° en hons de Val; -5°/-1° en còta 2.000).

Eth dimèrcles, eth maitin serà pro assolelhat. Pera tarde aumentarà era nivolositat e a darrères ores se poderie produsir quauqua precipitacion de caractèr moderat.
Vents moderadi damb quauqua bohada fòrta de sud pendent era tarde.
Temperatures en ascens (3°/18° en hons de Val; -3°/3° en còta mieja).