11/3/18

Còrsa dera Hemna damb clars, bromes e quauqua probabilitat de fèbla ploja.

Aué dimenge 11 de març, auram un maitin damb clari e intervaus embromadi que poderien provocar quauqua fèbla precipitacion, qu'en principi demorarien en vessant sud. Pas s'escarte que puntuauments sauten cap ara val e arriben en Vielha en forma de fèbla ploja. Pas credem qu'era Còrsa dera Hemna se veigue massa afectada. Era còta de nhèu serà en torn as 1.600 m. Pera tarde era nivolositat serà un shinhau mès compacta, damb mès de probabilitat de plojats, qu'en cas de produsir-se serien fèbles, puntuauments moderadi e intermitenti. Era còta descenerie cap as 1300 m. Vents moderadi de sud-oest.
Temperatures doces (6°/17° en hons de Val; -1°/1° en còta mieja).

Eth deluns 12 s'alternaràn bromes e clari, se poderie produsir quauqua precipitacion fèbla e intermitenta damb còta de nhèu en tot oscillar entre es 1.000 e es 1.300 m
Temperatures en descenuda (4°/12° en hons de Val; -4°/-1° en còta 2.000).

Eth dimars, contunharam damb temps variable encara qu'era probabilitat de plojats serà fòrça mès baisha.
Temperatura similar ara jornada anterior (2°/13° en hons de Val; -5°/0°).