2/3/18

Diuendres pro assolelhat, dimenjada variabla.

Aué diuendres 2 de març, pendent eth maitin e grana part dera tarde auram cèus sereni. A darrères ores se  incrementaràn es bromes e pera net se poderien produsir quauques precipitacions fèbles damb còta de nhèu sus es 1.500 m.
Vents moderadi de sudo-est damb quauques bohades fòrtes pera tarde.
Temperatures maximales doces entara epòca (0°/12° en hons de Val; -7°/-1° en còta 2.000).

Eth dissabte 3, serà pro caperat, encara que pòt aparéisher quauque clar esporadic, sustot pera tarde e a darrères ores. Se produsiràn bères precipitacions fèbles e intermitentes, principauments pendent eth maitin. Còta de nhèu sus es 1.600 m. Vents doci deth sud-oest.
Temperatures en leugèr ascens (3°/14° en hons de Val; -2°/0° en còta 2.000).

Eth dimenge 4, contunharam damb nivolositat abondiua e precipitacions fèbles e intermitentes, encara qu'a meddia poderien èster moderades; pas s'escarte que se daurisque quauque clar pendent eth maitin. Còta de nhèu sus es 1800 m. Vents moderadi de sud-oest.
Temperatura sense massa cambiaments respecte ath dissabte (1°/13° en hons de Val; -5°/0° en còta 2.000).