Ascens de temperatures e quauques precipitacions

Aué Dijaus 1 de març, tornaram a auer d'auta jornada caperada, encara qu'a prumères ores poderie aparéisher bèth clar esporadic. Precipitacions fèbles pendent eth maitin Pera tarde e net seràn moderades. Còta de nhèu sus es 1900 m en tot descéner puntuauments pendent era maitiada cap as 600 m encara qu'en tot amendrir era intensitat. Acumulacions de 10 a 20 cm en còtes neutes. En vessant sud se poderien tornar a superar es 50 cm de nhèu naua.
Vents moderadi damb quauqua bohada fòrta de sud.
Temperatures en notable ascens respecte a jornades anteriores (4°/17° en zònes baishes; 0°/2° en còta 2.000).

Eth diuendres 2, pendent era maitiada, auram bromes e quauques precipitacions fèbles, damb còta de nhèu ath torn des 600 m. Peth maitin s'alternaràn bromes e clari. Pera tarde tornarà a aumentar era nivolositat e se produsiràn quauques precipitacions fèbles, damb còta de nhèu en tot pujar des 1.000 as 1.600 m. Acumulacions de 5 a 10 cm en zònes nautes. Vents moderadi deth sud-oest.
Temperatures en leugèra descenuda respecte ara jornada anteriora (1°/12° en zònes baishes; -5°/-2° en còta 2.000).

Eth dissabte serà pro mbromat encara que poderie apareishèr quauque clar, sustot pera tarde. Se produsiràn precipitacions fèbles e intermitentes damb còta de nhèu sus es 1.700 m. Vents fèbles de compausant sud-oest.
Temperatura sense massa cambis (2°/14° en hons de Val; -4°/-1° en còta 2.000).