Maitins pro assolelhades e tardes damb inestabilitat.

Aué Dissabte 17 de març, auram un maitin assolelhat damb quauqui bromalhs mieis que embaranaràn quauquarren eth cèu. Pera tarde aumentarà era nivolositat e se produsiràn plojats entre moderadi e intensi damb còta de nhèu ath torn des 900 m.
Temperatures en descenuda respecte a jornades anteriores (0°/8° en hons de Val; -7/-4° en còta 2.000).

Eth dimenge 18, serà pro assolelhat, encara que damb quauque intervau de bromes qué serà un shinhau mès compacte pera tarde e que poderie deishar quauqua fòrça fèbla precipitacion damb còta de nhèu ath torn des 800 m. Vents fèbles de nord-oest damb quauqua bohada moderada.
Es temperatures contunharàn en descenuda sustot en zònes nautes (-1°/7° en hons de Val; -11°/-4° en còta 2.000).

Eth deluns 19, auram ues prumères ores pro serenes. A compdar de miei maitin aumentarà era nivolositat e pera tarde se produsiràn quauques precipitacions entre fèbles e moderades e que serien de nhèu en totes es còtes.
Temperatura similara ara jornada anteriora -1°/9° en hons de Val; -11°/-5° en còta mieja).