Dimenge variable en tot premarir era tornada ar iuèrn.

Aué dimenge 18 de març auram un maitin damb clari alternats damb intervaus de bromes, se pòt escapar quauqui flócs de nhèu. Pera tarde era nivolositat serà un shinhau mès destacabla e se poderie produsir quauqua precipitacion fèbla e intermitenta, damb còta de nhèu ath torn des 700 m. Vents deth nord-oest damb quauqua bohada moderada.
Temperatures heiredes entara epòca (-1°/8° en hons de Val; -8°/-4° en còta 2.000).

Eth deluns 19, pendent eth maitin s'alternaràn clari e bromes, pas s'escarte quauqua precipitacion fòrça fèbla. A compdar de meddia aumentarà era nivolositat e se produsiràn nheuades moderades e puntuauments intenses, que començaràn enes 800 m e que desceneràn a quinsevolh còta. Es precipitacions se mantieràn moderades pendent era net. Acumulacions de mès de 30 cm en còtes nautes.
Vents fèbles de direccion variable, damb quauques bohades moderades.
Temperatura similara (-2°/9° en còta baisha; -9°/-5° en còta 2.000).

Eth dimars serà pro embromat damb nheuades intermitentes de caractèr fèble e puntuauments moderades. Acumulacions d'uns 15 cm en còtes nautes de Baqueira. Vents fòrts deth nòrd.
Descenuda des temperatures diürnes (-2°/5° en hons de Val; -10°/-7° en còta mieja).