19/3/18

Torne er iuèrn e es nheuades ara Val d'Aran

Aué deluns 19 de març, auram un maitin damb cèus sereni. A compdar de meddia aumentarà era nivolositat e a mieja tarde començaràn es precipitacions que seràn intenses pendent eth ser e prumères ores dera net. Còta de nhèu enes 1000 m, en tot descéner rapidaments a totes es còtes. Acumulacions de mès de 25 cm en còtes nautes, d'uns 15 cm en Salardú, 10 cm en Vielha e uns 5 cm en Bossòst. Vents d'intensitat entre fèbla e moderada e de direccion variabla.
Temperatures heiredes, encara que damb ua efimer repuntada des maximales (-1°/9° en hons de Val; -9°/-3° en còta 2.000).

Eth dimars 20, serà fòrça embromat damb nheuades mès o mens contínues e de caractèr moderat pendent era maitiada e un shinhau mès fèbles e intermitentes pendent era jornada. Acumulacions de 15 a 20 cm en còtes nautes. Vents de nòrd, moderadi damb quauques bohades fòrtes en zònes nautes.
Temperatures iuernaus (-2°/5° en hons de Val; -11°/-7° en còta mieja).

Eth dimèrcles 21, pendent era maitiada e eth maitin, contunharam damb nivolositat abondiua damb precipitacions fèbles que seràn de nhèu en totes es còtes. Pera tarde se dauriràn clari.
Vents deth nòrd intens sustot en zònes nautes.
Es temperatures minimes contunharàn en descenuda principauments enes zònes baishes (-4°/3° en hons de Val; -10°/-8° en còta 2.000).