Deluns peth maitin assolelhat, tronades pera tarde.

Aué deluns 9 d'abriu, auram un maitin pro assolelhat damb quauqui intervaus embromadi. Pera tarde se desvoloparàn bromes d'evolucion en tot produsir-se tempèstes moderades e puntuauments intenses acompanhades d'aparelh electric. Vents moderadi de sud-oest.
Temperatures en descenuda respecte a jornades anteriores, encara qu'abituaus entara epòca (2°/14° en hons de Val; -2°/3° en còta 2.000).

Eth dimars 10, pendent eth maitin se'alternaràn bromes e clari, pas s'escarte quauqua fèbla precipitacion. Pera tarde aumentarà era nivolositat e se pòden produsir plojats moderadi que contunharàn pera net. Vents moderadi deth sud damb quauques bohades fòrtes en zònes nautes.
Temperatura sense cambiaments (2°/14° en hons de Val).

Eth dimèrcles serà fòrça embromat damb precipitacions mès o mens contínues, moderades e puntuauments intenses.
Temperatures maximales en descenuda (2°/8° en hons de Val).