Variabilitat damb nheuades en còtes mieges

Aué dimars 10 d'abriu, auram un maitin damb alternancia de bromes e clari, pas s'escarte quauqua fèbla precipitacion. Pera tarde aumentarà era nivolositat e se pòden produsir bères precipitacions intermitentes entre fèbles e moderades e mès frequentes quant mès ath sud dera val. Pera net es precipitacions seràn un shinhau mès intenses. Còta de nhèu entre es 1400 e es 1700 m. Vents moderadi deth sud damb quauques bohades fòrtes en zònes anautites.
Temperatures abituaus entara epòca (2°/14° en hons de Val).

Eth dimèrcles 11, era maitiada e eth maitin seràn pro embromadi e damb precipitacions moderades e puntuauments intenses. Pera tarde se dauriràn quauqui clari e es precipitacions se haràn fèbles e intermitentes.
Temperatures maximales en descenuda (5°/10° en hons de Val).

Eth dijaus semble qu'auram ua petita trèva damb alternancia de bromes e clari.
Leugèr ascens de temperatures (5°/13° en hons de Val).