Dimèrcles damb quauques nheuades en còtes mieges e puntuauments en baishes.

Aué dimèrcles 11 d'abriu, auram un maitin embromat damb precipitacions moderades e puntuauments intenses. Còta de nhèu enes 900 m a prumères ores, en tot pujar cap as 1200 m ath long deth maitin. Pera tarde amendrirà era intensitat des precipitacions e se dauriràn quauqui clari, còta de nhèu en tot ascendir as 1500 m e en tot descéner a darrères ores cap as 1000 m, encara qu'es precipitacions desapareisheràn. Acumulacions de 15 a 20 cm en còtes nautes.
Vents fèbles deth nòrd.
Temperatures heiredes entara epòca (2°/9° en Vielha; 0°/8° en Arties).

Eth dijaus serà pro assolelhat damb quauqui intervaus de bromes baishes peth maitin e nautes pendent era tarde. Pas s'escarte quauqua fèbla precipitacion.
Temperatura similara (0°/10° en Vielha; -1°/8° en Arties).

Eth diuendres serà un shinhau embromat damb possibilitat de precipitacions pendent era tarde.
Temperatures en leugèr ascens (4°/14° en Vielha; 2°/12° en Arties).