Dimenjada d'ostiu ena Val d'Aran

Aué diuendres 20 d'abriu, auram ua jornada majoritàriaments assolelhada; pera tarde se formaràn quauques bromes e bromalhs d'evolucion, damb probabilitat baisha de tempèsta. Vents fèbli deth sud.
Temperatures nautes entara epòca, encara qu'es maximales leugeraments mès cuertes qu'en jornades anteriores (8°/22° en Betren; 6°/21° en Arties).

Eth dissabte 21 dominaràn es cèus sereni. Pera tarde se formaràn quauqui bromalhs d'evolucion isoladi. Vents fèbles deth sud damb quauqua bohada moderada.
Temperatures diürnes de nau en ascens (9°/24° en Betren; 7°/23° en Arties).. 

Eth dimenge 22 seguiram damb solei encara que embaranat per quauqui bromes nautes e damb ambient un shinhau entrebolit peth povàs saharian en suspension. A darrères ores aumentarà era nivolositat e se poderie produsir quauqua precipitacion acompanhada de hanga.
Temperatura similara ara jornada anteriora (9°/25° en Betren; 8°/23° en Arties).