Dissabte assolelhat. Un shinhau de calima entath dimenge.

Aué dissabte 21 d'abriu, auram ua jornada assolelhada damb quauque bromalh isolat d'evolucion pendent era tarde. Vents fèbles deth sud.
Es temperatures contunharàn en tot èster nautes entara epòca (8°/25° en Betren; 6°/23° en Arties).

Eth dimenge 22 auram un shinhau de calima, acompanhada de bromes nautes e primi pendent eth maitin. Pera tarde era nivolositat serà un shinhau mès densa e se formaràn quauqui bromalhs d'evolucion damb probabilitat baisha de tempèsta a darrères ores.
Es temperatures contunharàn en tot èster ostiuenques (9°/25° en Betren; 8°/23° en Arties).

Eth deluns, seguirà er ambient entrebolit peth povàs en suspension e serà mès embromat damb possibilitat de quauqua precipitacion fèbla e intermitenta pendent era jornada.
Leugèr e transitòri descenuda de temperatures maximales (9°/21° en Betren; 7°/20° en Arties).