Principi de setmana damb calimes e ambient d'ostiu.

Aué deluns 23 d'abriu, auram ua jornada damb calimes provocades peth povàs en suspension procedenta deth Sahara. Pendent eth maitin s'alternarà bromalhs nauti e mieis e pas s'escarte quauqua fèbla ploja. Pera tarde se desvoloparà nivolositat convectiua damb probabilitat nauta de tronada qu'ath precipitar deisharien hanga.
Temperatures nautes entara epòca, encara qu'es maximales se demoraràn leugèraments mès cuertes qu'en jornades anteriores (8°/22° en Es Bòrdes; 6°/20° en Unha).. 

Eth dimars 24, contunharà era preséncia de povàs nord-african en suspension. Eth maitin serà pro assolelhat damb quauque bromalh naut. Pera tarde se tornaràn a desvolopar bromes d'evolucion damb probabilitat nauta de tempèsta.
Temperatures d'ostiu (10°/26° en Es Bòrdes; 9°/24° en Unha).

Eth dimèrcles 25, seguiram damb dinamica similara: solei acompanhat de quauqui bromalhs nauti pendent eth maitin e formacion de bromes d'evolucion damb possibilitat de tempèsta pendent era tarde.
Descenuda de temperatures que tornaràn ara normalitat es pròplèus jornades (10°/21° en Es Bòrdes; 9°/19° en Unha).