Dus dies damb maitins assolelhadi, tempèstes de tarde e temperatures en tot tornar ara normalitat

Aué dimars 24 d'abriu, auram encara un shinhau de povàs en suspension qu'entreboliràn leugèraments er ambient. Eth maitin serà pro assolelhat. Pera tarde se formaràn bromes d'evolucion damb probabilitat nauta de tempèsta. Vents doci deth sud-oest.
Es temperatures encara seràn nautes entara epòca (6°/23° en Es Bòrdes; 4°/20° en Unha).

Eth dimèrcles 25, tornaram a auer un maitin damb cèus pro sereni. Pera tarde aumentarà era nivolositat e se produsiràn quauqui plojats puntuauments moderadi.
Temperatures en tot tornar ara normalitat (7°/18° en Es Bòrdes; 4°/16° en Unha).

Eth dijaus auram un maitin pro embromat damb quauques precipitacions fèbles. Pera tarde se dauriràn clari. Vents moderadi deth nòrd.
Temperatures normaus entara epòca (7°/16° en Es Bòrdes; 5°/14° en Unha).