Temperatures en tot tornar ara normalitat en Aran

Aué dimèrcles 25 d'abriu, auram un maitin assolelhat, encara que damb abondiu povàs en suspension qu'entreboliràn er ambient. Pera tarde se formaràn quauques brumes e quauqui bromalhs d'evolucion damb probabilitat mieja de plojat e que seràn mès probables a darrères ores. Vents doci de nòrd damb quauqua bohada moderada pera net.
Notabla descenuda des temperatures maximales (8°/19° en Es Bòrdes; 6°/17° en Unha).. 

Eth dijaus 26, pendent era maitiada e maitin dominaràn es bromeres e bromes a miei vessant e pas s'escarte quauqua fèbla precipitacion. Pera tarde se dauriràn clari. Vents fèbles deth nòrd.
Temperatures que seguiràn en descenuda (7°/16° en Es Bòrdes; 6°/14° en Unha).. 

Eth diuendres 27, auríem un maitin pro assolelhat. Pera tarde aumentaràn es bromeres e se poderie produsir quauqua fèbla precipitacion.
Temperatures similares ara jornada anteriora (7°/17° en Es Bòrdes; 5°/15° en Unha).