Temps primaueru en Aran.

Aué dimars 22 de mai, serà ua jornada variabla damb un maitin d'alternancia de bromes e clari e que pas s'escarte quauqua fèbla rogina. Pera tarde auram bromalhs d'evolucion e quauqui clari damb probabilitat mieja-nauta de tempèsta.
Es temperatures contunharàn en tot èster es normaus entara epòca (9°/20° en Vila; 7°/18° en Garòs).

Eth dimèrcles 23, pendent eth maitin s'alternaràn bromes e clari. Pera tarde se tornaràn a formar bromalhs convectius damb probabilitat nauta de tronada.
Temperatures similares ara jornada anteriora (10°/20° en Vila; 8°/19° en Garòs).

Eth dijaus 24, seguiram damb ua dinamica similara, encara que damb mens probabilitat de tempèsta pera tarde.
Temperatures en ascens (10°/24° en Vila; 8°/21° en Garòs).