Dimars pleaments d'ostiu, cambis entath dijaus,

Aué dimars 26 de junh, seguiram damb cèus sereni, encara que pera tarde se formaràn quauqui bromalhs d'evolucion escampilhadi.
Temperatures d'ostiu damb maximales un shinhau mès nautes qu'es jornades anteriores (12°/29° en Vilac; 10°/27° en Gessa).

Eth dimèrcles 27, seguiram damb solei encara que embaranat per quauqui bromalhs nauti. Pera tarde se desvoloparàn bromes d'evolucion e pas s'escarte quauqua tempèsta ena zòna mès occidentau dera Val. Vents fèbles deth nòrd.
Ascens des temperatures nocturnes; es maximales demoraràn quauquarren mès cuertes (14°/27° en Vilac; 12°/26° en Gessa).

Eth dijaus 28, serà pro embromat damb possibilitat de plojats intermitenti pendent grana part dera jornada e qu'a darrères ores poderien èster entre moderadi e intensi.
Temperatures sense massa cambis (12°/26° en Vilac; 11°/25° en Gessa).