27/6/18

Dimèrcles d'estiu, dijaus inestable en Aran

Aué dimèrcles 27 de junh, eth maitin serà pro assolelhat damb quauques bromes nautes e primes. Pera tarde aumentarà era nivolositat e se poderie produsir quauque plojat isolat, sustot ena part mès occidentau dera Val. Vents fèbles deth nòrd
Es temperatures contunharàn en tot èster de plen estiu (12°/28° en Vilac; 12°/27° en Gessa).

Eth dijaus 28, serà pro embromat, damb quauque clar e possibilitat de plojats isoladi pendent eth maitin. Pera tarde aumentarà era nivolositat e se produsiràn bères tronades intermitentes qu'a darrères ores poderien èster puntuauments intenses.
Es temperatures diürnes demoraràn un shinhau mès cuertes (14°/25° en Vilac; 12°/24° en Gessa).

Eth diuendres 29, pendent eth maitin s'alternaràn clari e bromes. Pera tarde se tornaràn a formar bromalhs d'evolucion damb probabilitat nauta de tronada.
Temperatures de nau en ascens (14°/28° en Vilac; 12°/27° en Gessa).