30/8/18

En tot imposar-se pòc a pòc eth solei e es temperatures agradables.

Aué dijaus 30 d'agost, començaram era jornada damb quauques bromères en hons de val, que s'anaràn daurint a mesura qu'auance eth dia, en tot deishar-mos clari damb quauques bromes nautes e primes. Pas s'escarte bèra fèbla rogina pendent era tarde.
Temperatures agradables (14°/22° en Vilac; 11°/20° en Betren).

Eth diuendres 31 serà pro assolelhat encara que damb quauques bromes escampilhades e bères franges de bromes nautes e primes.
Temperatures diürnes en leugèr ascens (13°/23° en Betren; 11°/21° en Vilamòs).

Eth dissabte serà pro assolelhat damb vents fèbles deth nòrd. Es temperatures contunharàn en leugèr ascens (13°/25° en Betren; 11°/22° en Vilamòs).