Dimenjada damb pro solei e temperatures agradables.

Aué diuendres 31 d'agost, pendent eth maitin s'alternaràn bromes baishes e clari. Ath torn de meddia es clari seràn mès frequents. A darrères ores tornaràn a aparéisher es bromères. Pendent era tarde se pòt produsir quauque plojat en vessant sud dera Val d'Aran. Vents fèbles deth nòrd.
Temperatures abituaus entara epòca (14°/23° en Betren; 12°/21° en Vilamòs).

Eth dissabte 1 de seteme, serà mès assolelhat, mès encara demoraràn quauques bromes escampilhades. Vents loishi deth nòrd.
Es temperatures diürnes contunharàn en tot èster agradables (13°/24° en Betren; 12°/22° en Vilamòs).

Eth dimenge 2, serà assolelhat damb quauqui bromalh nauti e primi. Temperatures nocturnes fresques e diürnes en leugèr ascens (11°/25° en Betren; 10°/24° en Vilamòs).