6/10/18

Dissabte quasi d'ostiu. Dimenge e deluns de tardor.

Aué dissabte 6 d'octobre, auram un maitin assolelhat. A compdar de meddia aumentarà era nivolositat e a darrères ores se produsiràn quauqui plojats. Temperatures encara doces (8°/25° en Vila; 6°/23° en Gessa).

Eth dimenge 7, serà embromat damb probabilitat de precipitacions, sustot pendent era tarde e darrères ores. Còta de nhèu ath torn des 2000 m encara que puntuauments poderie descéner cap as 1700 m. Acumulacions de 5 a 10 cm en còta 2500. Vents deth nòrd damb quauqua bohada moderada.
Fòrta descenuda des temperatures diürnes (7°/14° en Vila; 5°/12° en Salardú).

Eth deluns 8, contunharam damb nivolositat abondiua, encara que pera tarde se dauriràn quauqui clari que mos deisharàn veir es cims nheuadi. Pas s'escarte bèra fèbla precipitacion. Vents fèbles deth nòrd.
Temperatures similares ara jornada anteriora encara que damb descenuda des minimes (5°/15° en Vielha; 4°/13° en Salardú).