8/10/18

Deluns heired. Recuperacion de temperatures pendent era setmana.

Aué deluns 8 d'octobre, auram ua jornada damb es tipiques bromères araneses, alternades damb clari. Se pòden produsir quauques fèbles rogines, sustot pendent era tarde e damb còta de nhèu peth dessús des 2.100 m. Vents fèbles deth nòrd.
Temperatures baishes entara epòca (5°/15° en Vielha; 4°/13° en Salardú).

Eth dimars 9, serà mès assolelhat mès encara demoraràn quauques bromères escampilhades. Vents fèbles deth sud-est.
Temperatures minimes sense cambis e maximes en ascens (5°/19° en Vielha; 4°/17° en Salardú).

Eth dimèrcles 10 s'alternaràn bromalhs e clari e se poderie produsir bèra fèbla precipitacion. Vents fèbles deth sud damb quauqua bohada moderada.
Es temperatures seguiràn en aumentacion en tot plaçar-se peth dessús des abituaus entara epòca (7°/21° en Vielha; 5°/19° en Salardú).