9/10/18

Variabilitat e ascens de temperatures.

Aué dimars 9 d'octobre, serà ua jornada pro assolelhada encara que damb quauqui intervaus embromadi. Pendent era net se produsiràn bèri plojats. Vents fèbles deth sud-est damb quauqua bohada moderada.
Temperatures en ascens respecte a jornades anteriores (7°/19° en Vielha; 5°/17° en Salardú).

Eth dimèrcles 10, serà un shinhau mès caperat, encara que pendent era tarde se dauriràn clari. Se pòt produsir precipitacions pendent era maitiada e prumères ores deth maitin. Vents deth sud.
Es temperatures contunharàn en ascens (8°/21° en Vielha; 6°/19° en Salardú).

Eth dijaus 11, auram solei damb quauqui bromalhs nauti, encara qu'a darrères ores aumentarà era nivolositat e se poderien produsir plojats. Vents moderadi deth sud.
Temperatures nautes entara epòca (8°/23° en Vielha; 6°/21° en Salardú).