Dimèrcles embromat e dijaus damb nheuades a compdar de meddia.

Aué dimèrcles 12 de deseme, auram un maitin damb intervaus de bromalhs nauti e mieis. Pera tarde aumentaràn es bromères baishes e pas s'escarte bèra fèbla precipitacion damb còta de nhèu sus es 1.800 m.
Temperatures similares as jornades anteriores (1°/9° en Gausac; 0°/7° en Arties).

Eth dijaus 13, serà pro caperat damb quauques precipitacions fèbles e isolades pendent eth maitin Pendent era tarde e net es precipitacions seràn entre fèbles e moderades. Còta de nhèu enes 1.700 m pendent eth maitin, en tot descéner cap as 1.300 m pendent era jornada. Celhs de mès de 20 cm en còtes nautes. Vents fèbles deth sud peth maitin en tot virar ath nòrd a compdar de meddia.
Temperatures en leugèra descenuda (0°/8° en Gausac; -1°/6° en Arties).

Eth diuendres 14, seguiram damb nivolositat abondiua e precipitacions entre fèbles e moderades pendent era maitiada, qu'anaràn aloishant a mesura qu'auance era jornada. Còta de nhèu sus es 1.100 m. Acumulacions de 10 a 15 cm en còtes nautes. Vents fèbles deth nòrd damb bères bohades moderades en zònes nautes.
Temperatures sense massa cambis (0°/8° en Gausac; -1°/6° en Arties).