Nheuades pendent era tarde deth dijaus e prumères ores deth diuendres

Aué dijaus 13 de deseme, serà ua jornada caperada damb plojats fèbles e isoladi pendent eth maitin damb còta de nhèu sus es 1.800 m. Pendent era tarde es precipitacions seràn entre fèbles e moderades e era còta descenerà cap as 1.400 - 1.300 m. Se pòden acumular mès de 20 cm en còtes nautes. Vents fèbles deth nòrd damb quauqua bohada moderada pendent era tarde.
Leugèr ascens des temperatures minimes; maximales similares ara jornada d'ager (2°/8° en Gausac; 0°/6° en Arties).

Eth diuendres 14, seguiram damb nivolositat abondiua e plojats entre fèbles e moderadi pendent era maitiada. A mesura qu'auance era jornada es precipitacions s'afebliràn e a darrères ores desapareisheràn. Còta de nhèu su es 1400 m e acumulacions de 10 a 15 cm en còtes nautes. Vents deth nord-oest damb quauqua bohada moderada.
Temperatura similara (2°/7° en Gausac; 0°/5° en Arties).

Eth dissabte 15 s'alternaràn bromes e clari e pas s' escarte quauqua fèbla precipitacion.
Notable ascens as temperatures diürnes (1°/13° en Gausac; 0°/11° en Arties).