Fin se setaman damb nhèu fresca en Aran.

Aué diuendres 14 de deseme, serà ua jornada caperada damb precipitacions fèbles pendent eth maitin e que desapareisheràn pera tarde. Còta de nhèu sus es 1.300 m. Vents deth nord-oest damb quauqua bohada moderada en zònes nautes.
Temperatures un shinhau per jos es normaus entara epòca (1°/7° en Gausac; 0°/5° en Arties).

Eth dissabte 15, pendent eth maitin s'alternaràn bromes e clari. Pera tarde aumentarà quauquarren era nivolositat e pas s'escarte quauque fòrça fèble plojat.
Ascens des temperatures diürnes (1°/12° en Gausac; 0°/10° en Arties).

Eth dimenge 16, serà pro embromat damb precipitacions entre fèbles e moderades pendent eth maitin e damb còta de nhèu sus es 2.200 m. Pera tarde es precipitacions seràn fèbles e intermitentes e era còta descenerà cap as 1.500 m. Vents fèbles deth sud.
Temperatures en leugèra descenuda (1°/9° en Gausac; 1°/7° en Arties).

Es nheuades des darrères ores an deishat uns 15 cm en Pòrt dera Bonaigua e més de 20 cm en Baqueira 2.500.