Comence era gran nheuada ena Val d'Aran.

Aué dimars 22 de gèr, auram ues prumères ores damb cèus sereni; pendent eth maitin se corbiràn e era tarde serà fòrça caperada damb precipitacions entre fèbles e moderades que començarien a compdar des 2 dera tarde. Pendent era net i poderie auer ua petita trèva encara que de maitiada se intensificará era nheuada. Còta de nhèu entre es 800 e es 500 m. Acumulacions de mès de 30 cm en còtes nautes.
Fòrta descenuda des temperatures minimes e repunt des diürnes (-5°/5° en Bossòst; -9°/2° en Salardú).

Eth dimèrcles 23 serà ua jornada caperada damb precipitacions intenses e inclús fòrça intenses damb còta de nhèu que pòt oscillarà entre es 800 e es 400 m. Es celhs acumuladi seràn importanti, en tot superar eth mètro de nhèu en còta 2.500, es 80 cm en còta 1.500, ath torn de 40 cm en Vielha e uns 20 cm en Baish Aran.
Vents fòrts deth nòrd que pendent era tarde mos deisharàn quauques bohades fòrça fòrtes en zònes nautes.
Temperatures heiredes e damb sensacion termica fòrça baisha (-1°/5° en Bossòst; -3°/1° en Salardú).

Eth dijaus 24 pendent era maitiada e prumères ores encara auram nheuades moderades en totes es còtes qu'amendriràn d'intensitat pendent era jornada e que desapareisheràn a darrères ores. Vents moderadi de nòrd.
Temperatures minimes en descenuda (-4°/2° en Bossòst; -6°/0° en Salardú).

#Nheuada #Nhèu