Arribe era gran nheuada ara Val d'Aran.

Semble que se confirme çò que ja amiam uns dies en tot anonciar: a compdar deth dimars pera tarde, nheuades intenses que perdurarien tot eth dimèrcles e que perderien intensitat de cara ath dijaus. Atencion as celhs qu'arribarien a superar eth mètro en zònes nautes, es 40 cm en Vielha e es 20 cm en Baish Aran.

Aué deluns 21 de gèr, serà ua jornada damb bromères, quauque clar esporadic e precipitacions fèbles e intermitentes que serien de nhèu en totes es còtes. A darrères ores se dauriràn clari e desapereisheràn es precipitacions. Vents fèbles deth nòrd.
Temperatures diürnes en descenuda (0°/4° en Bossòst; -1°/1° en Salardú).

Eth dimars 22, a prumères ores auram cèus sereni que se caperaràn a mesura qu'auance eth maitin. Precipitacions intenses pendent era tarde e net. Còta de nhèu iniciau enes 700 m en tot descéner a totes es còtes a darrères ores. Celhs de mès de 40 cm en còtes nautes. Vents fèbles deth nòrd.
Temperatures minimes heiredes, maximales en puntuau ascens (-3°/6° en Bossòst; -5°/-1° en Salardú).

Eth dimèrcles 23, seguiram damb nivolositat abondiua e nheuades intenses en totes es còtes, damb acumulacions de mès de 50 cm en còtes nautes e mès de 20 centimètres en hons dera Val. Vents moderadi deth nordoeste damb quauques bohades fòrtes e fòrça fòrtes en zònes nautes.
Temperatures heiredes damb sensacion termica fòrça baisha pera accion deth vent (-3°/3° en Bossòst; -5°/1° en Salardú).