Dissabte damb clars e bromes, dimenge mès caperat e ara expectativa a compdar deth dimars.

Aué dissabte 19 de gèr, serà ua jornada assolelhada damb quauqui intervaus embromadi, mès importants a darrères ores. Pas s'escarte bèra fèbla e isolada precipitacion.
Temperatures minimes heiredes e maximales quauquarren peth dessús des normaus (-2°/9° en Les; -4°/5° en Tredòs).

Eth dimenge 20, serà un shinhau mès embromat damb possibilitat de precipitacions fèbles e intermitentes. Còta de nhèu ath torn des 900 m, en tot descéner as 600 a darrères ores.
Temperatures diürnes en descenuda (-2°/7° en Les; -3°/3° en Tredòs).

Eth deluns 21, seguiram damb boumes alternades damb quauqui clari e damb nheuades fèbles e intermitentes peth dessús des 600 m. Celhs d'entre 5 a 10 cm en Baqueira 2.500.
Es temperatures maximales seguiràn en descenuda (-2°/4° en Les; -4°/1°en Tredòs).

Se mantien es expectatives de cambi a compdar deth dimars 22 pera tarde, damb entrada d'aire heired e flux Atlantic que poderien provocar era nheuada mès importanta de çò qu'amiam de sason ena Val d'Aran. Ac confirmaram En pròplèus bulletins.