Fin de setmana variable, en tot demorar cambis entara setmana que ven.

Aué diuendres 18 de gèr, serà ua jornada damb nivolositat de tipe naut e miei, alternada damb quauqui clari.
Temperatures normaus entara epòca (-1°/7° en Les; -3°/2° en Tredòs).

Eth dissabte 19, eth maitin serà pro assolelhat, encara que damb quauqui intervaus de bromalhs baishi. A darrères ores aumentarà era nivolositat e pas s'escarte bèt fòrça fèble plojat pendent era net.
Temperatures minimes en descenuda e maximales en puntuau ascens (-2°/9° en Les; -4°/4° en Tredòs).

Eth dimenge 20, i aurà nivolositat abondiua e damb precipitacions fèbles pendent eth maitin. Còta de nhèu ath torn des 900 m; acumulacions d'uns 10 cm en Baqueira 2500. Vents fèbles deth nòrd.
Temperatures diürnes en descenuda (-1°/7° en Les; -2°/2° en Tredòs).

Aguesti dies vos recomanam seguir es nòsti bulletins, donques qu'eth dimenge poderie variar leugèraments era prevision. Mès sustot, a causa de que a compdar deth dimars 22 pera tarde, semble que mos va a arribar per fin eth veritable iuèrn. Vos mantieram puntuauments informadi.