Dijaus damb quauques nheuades fèbles.

Aué dijaus 17 de gèr, auram ua jornada pro caperada damb precipitacions fèbles, apuprètz a compdar des 9 deth maitin e que desapareisheràn dempús de meddia. Còta de nhèu ath torn des 1.000 m; acumulacions d'uns 10 cm en Baqueira 2.500. Pendent era tarde se dauriràn clari. Vents fèbles deth nòrd.
Temperatures en descenuda (1°/7° en Les; -3°/3° en Tredòs).

Eth diuendres 18, pendent eth maitin auram alternancia de bromes e clari. Era tarde serà un shinhau mès embromada.
Es temperatures contunharàn en descenuda (-2°/5° en Les; -3°/2° en Tredòs).

Eth dissabte 19, auram un maitin assolelhat damb quauqui intervaus embromadi. Pera tarde aumentarà era nivolositat e pas s'escarte bèra fèbla precipitacion damb còta de nhèu ath torn des 1000 m.
Temperatures minimes heiredes e maximales en leugèr e puntuau ascens (-3°/10°; -4°/5° en Tredòs).