16/1/19

Dimèrcles anticiclonic, dijaus damb nheuades fèbles ena Val d'Aran.

Aué dimèrcles 16 de gèr, auram un maitin assolelhat; pera tarde aumentaràn es bromes de tipe naut e miei.
Leugèra inversion termica e temperatures diürnes peth dessús des normaus (-2°/11° en Les; -1°/7° en Tredòs).

Eth dijaus 17, serà mès caperat encara que pas s'escarte quauque clar esporadic. Precipitacions fèbles pendent eth maitin e prumères ores dera tarde damb còta de nhèu ath torn des 1.000 m. Acumulacions d'uns 10 cm en Baqueira 2500.
Temperatures maximas en descenuda (0°/7° en Les; -1°/3° en Tredòs).

Eth diuendres 18 auram un maitin assolelhat e ua tarde damb quauqui intervaus de bromes nautes e mieges.
Es temperatures contunharàn en descenuda (-2°/5° en Les; -3°/2° en Tredòs).