Descens de temperatures e quauques precipitacions entàs dies que vien.

Es pròplèus dies mos van a portar ua entrada d'aire heired e un shunhau de nhèu qu'enquiath diuendres deisharien uns 20 cm en còtes nautes.

Aué dimars 8 de gèr, auram un maitin assolelhat damb quauqui bromalhs nauti. Pendent era tarde aumentaràn es bromes baishes e a darrères ores se poderie produsir quauqua precipitacion fèbla damb còta de nhèu sus es 1.100 m en tot descéner cap as 900 m. Vents deth nòrd damb bèra bohada moderada en zònes nautes.
Temperatures heiredes, sustot es minimes en hons de val (-7°/4° en Vielha; -4°/0° en Beret 1800).

Eth dimèrcles 9, s'alternaràn clars damb brumes que poderien deishar quauqua fèbla e intermitente precipitacion, pendent era maitiada e era tarde. Còta de nhèu enes 900 m en tot descéner pendent era jornada a totes es còtes. Vents deth nòrd damb quauqua bohada fòrta en zònes nautes.
Temperatures en descenuda, que serà mès notabla a darrères ores e en zònes nautes (-4°/2° en Betren; -8°/-3° en Beret 1800).