Inici de setmana assolelhat, damb quauqui cambis ara vista.

Aué deluns 7 de gèr serà ua jornada assolelhada damb vents moderadi de nòrd en zònes nautes.
Temperatures heiredes, un shinhau per jos des abituaus entara epòca (-5°/5° en Vielha; -4°/1° en Baqueira 1800).

Eth dimars 8, serà pro assolelhat encara qu'a darrères ores aumentarà era nivolositat que poderie deishar quauqua fèbla precipitacion, damb còta de nhèu ath torn des 1.100 m. Vents de nòrd damb bohades moderades en zònes nautes.
Leugèr ascens des temperatures minimes en zònes baishes (-2°/6° en Vielha; -4°/0° Baqueira 1800).

Eth dimèrcles 9, serà un shinhau mès embromat, encara que damb alternancia de clari. Precipitacions fèbles e intermitentes que serien de nhèu en totes es còtes. Vents moderadi deth nòrd, sustot en nautada.
Temperatures en descenuda que se harà mès apreciable a mesura qu'auance era jornada (-5°/2° en Vielha; -8°/-3° en Baqueira1800).