Dimars variable damb aire pendent era net.

Aué dimars 29 de gèr, auram un maitin damb bromes alternades damb quauqui clari. Pera tarde aumentarà era nivolositat e se produsiràn bères precipitacions fèbles damb còta de nhèu en tot oscillar entre es 1.200 e es 900 m. A darrères ores s'intensificará eth vent deth nord-oest damb bohades fòrça fòrtes e se produsiràn nheuades moderades en totes es còtes, que perduraràn tota era net. Acumulacions d'uns 15 cm en còtes nautes.
Temperatures normaus entara epòca (-1°/5° en Vielha; -6°/-3° en Beret).

Eth dimèrcles 30, pendent era maitiada e eth maitin seguiràn es cèus fòrça caperadi damb precipitacions entre moderades e vents fòrts de nord-oest. Celhs d'uns 15 cm en còtes nautes Pera tarde se dauriràn quauqui clari.
Temperatures similares (-1°/5° en Vielha; -7°/-3° en Beret).

Eth dijaus 31 seguiram damb nivolositat abondiua e precipitacions entre fèbles e moderades damb còta de nhèu en tot pujar cap as 1.800 m.
Notable ascens de temperatures diürnes (0°/10° en Vielha; -5°/1° en Beret).