Jornades variables damb leugèr ascens de temperatures.

Aué dimèrcles 30 de gèr, auram un maitin embromat damb nheuades en totes es còtes, d'intensitat fèbla encara que puntuauments poderien èster moderades. Pera tarde desapareisheràn es precipitacions e se poderie daurir quauque clar. Vents fòrts de nordoest a prumères ores.
Temperatures normaus entara epòca (-2°/3° en Vielha; -7°/-5° en Beret).

Eth dijaus 31, pendent eth maitin s'alternaràn clari damb bromes. Pera tarde aumentarà era nivolositat e se produsiràn precipitacions fèbles damb còta de nhèu enes 1.800 m. Vents fèbles deth sud-oest.
Temperatures diürnes en ascens (-1°/7° en Vielha; -5°/0° en Beret).

Eth diuendres 1 de hereuèr, auram quauques precipitacions a prumères e darrères ores. Pendent era part centrau deth dia predominaràn es clari. Còta de nhèu peth maitin enes 1.800 m, en tot descéner pendent era net cap as 900 m. Vents fèbles deth sud-oest.
Temperatura similara ara jornada anterior encara qu'en descenuda a darrères ores (0°/6° en Vielha; -5°/1° en Beret).